Aqmola oblysy: Astrahan aýdanynda joǵalǵan balyqshy segiz táýlik boıy izdestirilýde
Búgingi kúni Barshyn kólindegi izdestirý jumystaryna quramyna 14 adam kiretin úsh súńgýirler toby, úsh motoqaıyq jáne úsh birlik tehnıka qatysýda.
Іzdestirý jumystary bastalǵaly beri qutqarýshylarǵa aýdan ákimdigi, polıtsııa bóliminiń qyzmetkerleri, eriktiler men janashyr turǵyndar kómektesýde. Osylaısha izdestirý jumystaryna barlyǵy 25 adam jáne alty motoqaıyq jumyldyryldy.
Іzdeý jumystary kúndizgi ýaqytta úzdiksiz júrgizilip, tek túngi ýaqytta toqtatylýda. Qutqarýshylar men eriktiler joǵalǵan balyqshynyń denesin tabý úshin qoldan kelgenniń bárin jasap jatyr. Alaıda, kóldiń aýdany 40 sharshy shaqyrymnan asatyndyqtan jáne onyń kóp bóligin qamys basyp ketkendikten izdestirý jumystarynda qıyndyqtar týyndaýda.
Esterińizge sala keteıik, 2020 jylǵy 23 qazanda Astrahan aýdany Uzynkól aýyldyq okrýginiń Barshyn kóline tórt adam balyq aýlaý úshin barǵan bolatyn. Sol kúni keshke úsheýi metall motorly qaıyqpen kólge júzip ketken. Al bireýi jaǵalaýda qalǵan.
2020 jylǵy 28 qazanda izdeý toby eki balyqshynyń denesin tapty. Al úshinshi balyqshyny izdeý jalǵasýda.
Aıta keteıik, qutqarý jáne basqa da jumystardy júrgizý kezinde eshqandaı aqshalaı qarajat alynbaıdy. Barlyq izdeý jumystary tegin júzege asyrylýda jáne aldaǵy ýaqytta da jalǵasatyn bolady.
