Aqmola oblysy ákiminiń orynbasary qyzmetinen ketti
KÓKShETAÝ. QazAqparat - Aqmola oblysy ákiminiń orynbasary Marat Iǵalıev qyzmetinen ketti. Bul týraly ol Facebook-paraqshasynda jazdy, dep habarlaıdy QazAqparat tilshisi.
«Qurmetti aqmolalyqtar! Men úshin týǵandaı bolyp ketken Aqmola oblysynyń ósip-órkendeýine sizdermen birge 3 jylǵa jýyq qyzmet etý úlken mártebe boldy. Qyzmet babymda halyqpen ashyq bolýǵa tyrystym, birlesken jumys nátıjesinde biz kóptegen salalarda oń nátıjelerge qol jetkizdik. Sondaı-aq, kıeli Kókshe jerinde biraz adamdarmen dostastym. Birge qyzmet etken barlyq áriptesterime alǵysymdy bildiremin!. Barlyq jınaǵan bilimimdi, tájirıbemdi jańa jaýapty qyzmette qoldanýǵa tyrysamyn. El jáne Aqmola oblysy basshylyǵyna kórsetilgen senim úshin úlken rahmetimdi aıtamyn!»,-dep jazdy M.Iǵalıev.
Eske sala keteıik, 2018 jyldyń 17-shi tamyzynda Marat Iǵalıev Aqmola oblysy ákiminiń týrızm, ındýstrııalandyrý, kásipkerlik jáne ınvestıtsııalar máseleleri boıynsha orynbasary etip taǵaıyndalǵan bolatyn.
