Aqmola oblysy: 237 eldi mekenniń ataýy qaıtarylyp, 110 kóshege jańa ataý berildi
KÓKShETAÝ. QazAqparat - Aqmola oblysynda onomastıkalyq komıssııa jumysynyń qorytyndysy boıynsha 237 eldi mekenge tarıhı ataýlary qaıtarylyp, 110 kóshege jańa ataý berildi. Bul týraly aımaq basshysy Málik Myrzalınniń tóraǵalyǵymen memlekettik til saıasatyn júzege asyrý, týrıstik salany damytýdyń jol kartasyn tanystyrý jáne sporttyq federatsııalar qurý máseleleri qaralǵan apparat məjilisinde aıtyldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Apparat məjilisinde Aqmola oblysynda memlekettik til saıasatyn júzege asyrý jumystary Qazaqstan Respýblıkasyndaǵy tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynyń úshinshi kezeńi, ıaǵnı 2017-2019 jyldarǵa arnalǵan oblystyq is-sharalar josparyna sáıkes negizgi tórt baǵyt boıynsha júrgizilip kele jatqandyǵy jaıly oblystyq tilderdi damytý basqarmasynyń basshysy Maral Jaqypova baıandap berdi.
Osy oraıda, aımaq basshysy Məlik Myrzalın memlekettik tildi damytý jəne aýqymyn keńeıtý baǵytynda qazaq tilin balabaqshada, mektepte, orta jáne joǵary oqý oryndarynda, sonymen qatar tilderdi oqytý ortalyqtarynda oqytýdy jeltildirý boıynsha oblys əkimdigi janynankeńistik organ qurý qajettigin atap ótti.
Aıta ketý kerek, bıylǵy jyly memlekettik tildi ıgerý kórsetkishi oblys halqynyń 71 paıyzyn qurady. Al memlekettik tilde qaǵaz aınalymy 98,5 jetti.
Onomastıkalyq komıssııa jumysynyń qorytyndysy boıynsha 237 eldi mekenge tarıhı ataýlary qaıtarylsa, 110 kóshege jańa ataý berildi.
Memlekettik tildi kópshiliktiń qoldanýyna qol jetkizý jáne onyń paıdalanylý aıasyn keńeıtýdiń ekinshi, Qazaqstandyqtardyń tildik mádenıetin kóterýdiń úshinshi jáne Qazaqstan halqynyń lıngvıstıkalyq kapıtalyn damytýdyń tórtinshi baǵyttary boıynsha atqarylyp jatqan jumystar men aldaǵy mindetterdiń barlyǵy Elbasynyń «Bolashaqqa baǵdar: Rýhanı jańǵyrý» eńbeginde aıtylǵan negizgi oılarmen oraılas júrgiziletin bolady.
Budan keıin oblys ákiminiń keńesshisi Marat Iǵalıev Aqmola oblysynda týrızmdi damytýdyń 2018-2020 jyldarǵa arnalǵan Jol kartasy jobasyn tanystyrdy.
Onyń sózinshe, bul joba segiz bloktan, 100-den astam is-sharadan turady. Osy baǵytta aǵymdaǵy jyly Astana qalasynda «Visit Aqmola» marketıngtik keńsesin ashý kózdelgen. Oǵan qosa, kóktemde óńirde CityPASS Burabay biryńǵaı týrıstik kartasyn engizý sııaqty kóptegen sharalar qarastyrylǵan.
Apparat məjilisinde qysqy Olımpıada oıyndaryna qatysýshylar jaıly jáne Sport federatsııalary keńesin qurý jóninde oblystyq dene tárbıesi jáne sport basqarmasynyń basshysy Nadjejda Patıýtkına habarlama jasap, munyń sporttyń jekelegen túrlerin damytýǵa septigini tıgizerin aıtty. Osy oraıda alda qurylatyn federatsııalar jaıly aqparat berildi.
