Aqmola oblystyq sotynda sot qujattary sapasynyń jaqsarýyna serpin beretin shara ótti
AQMOLA OBLYSY. Shildeniń 22-si. QazAqparat /Danıel Shaıynǵazın/ - Aqmola oblystyq soty Sýdıalar odaǵynyń Aqmola fılıalymen birlesip, Aqmola oblysynyń aýdandyq, qalalyq sottarynyń sýdıalary arasynda protsessýaldyq qujattardyń sapasy boıynsha baıqaý ótkizdi, dep habarlaıdy Aqmola oblystyq sotynyń baspasóz qyzmeti.
Baıqaýdyń basty maqsaty - oblystyń jas sýdıalarynyń sot úkimderi men sheshimderin sapaly daıyndaý deńgeıin kóterý.
Baıqaýdyń erejesine sáıkes, konkýrstyq komıssııa quryldy.
2010 jylǵy mamyrdyń 31-inedeıin Aqmola oblysynyń aýdandyq jáne oǵan teńestirilgen sottarynan atalmysh baıqaýǵa qatysý úshin, sondaı-aq olardyń daıyndaǵan protsessýaldyq qujattarynyń sapasyn anyqtaý maqsatynda birshama qujattar qabyldanǵan bolatyn.
Osy baıqaýǵa 14 jergilikti sot ókilderi qatysty.
Baıqaýdyń nátıjeleri aǵymdaǵy jylǵy maýsymnyń 25-inde shyǵaryldy:
Aqmola oblysynyń jas sýdıalary arasynda ótkizilgen is júrgizý qujattarynyń úzdik sapasy boıynsha saıystyń "Sapaly sheshim" atalymynda ІІІ orynǵa ıe bolǵan Aqmola oblysynyń mamandandyrylǵan aýdanaralyq ekonomıkalyq sotynyń sýdıasy Azamat Aımuhamedov; ІІ orynǵa ıe bolǵan Stepnogor qalalyq sotynyń sýdıasy Aısulý Mamılıanova; І orynǵa ıe bolǵan Atbasar aýdandyq sotynyń sýdıasy Erlan Orazovtyń; memlekettik tilde shyǵarylǵan "Sapaly sheshim" atalymyna ıe bolǵan Tselınograd aýdandyq sotynyń sýdıasy Gúlmıra Balybaevanyń; mamandandyrylǵan aýdanaralyq ekonomıkalyq sotynyń sýdıasy Erlan Muqyshevtyń; Jaqsy №2 aýdandyq sotynyń sýdıasy Serik Ámirov, Kókshetaý qalalyq sotynyń sýdıasy Nursultan Rahymberlınniń jáne basqalarynyń esimderi ataldy.
