Aqmola oblystyq kitaphanasynda qazaq tilin oqytý kýrstary ashyldy

KÓKShETAÝ. QazAqparat - El Táýelsizdiginiń 30 jyldyǵyna oraı Qazaqstan halqy tilderi kúnine arnalǵan onkúndik aıasynda M. Jumabaev atyndaǵy Aqmola oblystyq ámbebap ǵylymı kitaphanasynda qazaq tilin oqytý kýrstary ashyldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Sharaǵa qatysqan basqarma basshysy Altynaı Ámirenova jınalǵandardy qazaq tilin oqytý kýrstarynyń ashylýymen quttyqtady.

«Tilder onkúndigi aıasynda oblystyń barlyq memlekettik mekemeleri men uıymdarynda memlekettik tildi nasıhattaýǵa baǵyttalǵan túrli is-sharalar ótkiziledi. Mine, búgin biz osyndaı taǵy bir mańyzdy is-sharanyń uıymdastyrylýyna kýá bolyp otyrmyz. Barlyq tyńdaýshylarǵa tabys tileımin», - dedi Altynaı Ámirenova.

Oblystyq kitaphana dırektory Qudaıberdi Myrzabek atap ótkendeı, mekeme qyzmetkerleri úshin sabaqtar kún saıyn jumys kúnderi bir saǵat boıy ótkiziledi. Olarǵa tildi meńgerý jasyna jáne deńgeıine qaramastan, kez kelgen adam bara alady.

Іs - shara barysynda qatysýshylar Qazaqstan halqy tilderi kúnine arnaıy uıymdastyrylǵan «Meniń tilim – meniń Táýelsizdigim. Moı ıazyk – moıa Nezavısımost. My Language is My Independence» atty kórmeni tamashalady. Kezdesý sońynda barlyq kýrs tyńdaýshylaryna estelik retinde oqý quraldary tabys etildi.

Aıta keteıik, óńirde Qazaqstan halqy tilderiniń onkúndigi aıasynda eki myńǵa jýyq is-shara ótkiziledi. Olardyń qatarynda baıqaýlar, aktsııalar, vıktorınalar, aıtystar, kórmeler, dóńgelek ústelder, onlaın-formattaǵy túrli is-sharalar bar.