Aqmola oblystyq ІІD laýazymdy tulǵalary paramen ustaldy
ASTANA. QazAqparat - Aqmola oblystyq ІІD laýazymdy tulǵalary ustaldy, dep habarlaıdy «QazAqparat» HAA QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
«Agenttik UQK-men birlesip, «Qazaqaltyn» TMK AQ ken shahtasynan zańsyz altyn óndirgenderge qol ushyn bergen Aqmola oblystyq ІІD laýazymdy tulǵalarynyń qylmystyq áreketin toqtatty. Qylmystyq topqa Stepnogor ІІB bastyǵynyń orynbasary T.Dúısembaev, Aqsý kenti polıtsııa bóliminiń bastyǵy S.Bıbatyrov, Bestóbe kenti polıtsııa bóliminiń bastyǵy D. Aınageldınov, Stepnogor ІІB jedel ýákilderi A. Jekibaev pen A. Qulyshev, sondaı-aq dástúrli emes dinı aǵym ustanýshylar ustaldy», - dep atap ótilgen habarlamada.
Vedomstvonyń aqparaty boıynsha, kórsetilgen laýazymdy tulǵalar senimdi adamdar arqyly shahtadan altyn urlaýshylardan birneshe ret, júıeli negizde para alyp otyrǵan.
«Tintý barysynda 23 mln teńge, atys qarýlary, jarylǵysh quraldar, usaqtalǵan altyndar tabyldy», - dep naqtylady agenttikten.
14 naýryz kúni kúdiktiler ustalyp, qamaldy. Tergeý júrip jatyr.
