Aqmola oblystyq aýyl sharýashylyǵy basqarmasynyń basshysy para aldy degen kúdikpen ustaldy
«Sybaılas jemqorlyqqa qarsy kúres Ulttyq bıýrosynyń Aqmola oblysy boıynsha departamenti oblystyń aýyl sharýashylyǵy basqarmasynyń basshysy, onyń orynbasary, sondaı-aq, osy basqarmanyń eginshilik jáne astyq naryǵyn retteý bóliminiń basshysyna qatysty sotqa deıingi tergeý amaldaryn júrgizýde», - dedi Agenttikte ótken baspasóz máslıhatynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qoǵammen baılanys jónindegi departamentiniń dırektory Arman Berdalın.
Onyń aıtýynsha, ustalǵandar JShS ókilinen QR Agroónerkásiptik keshenin damytý memlekettik baǵdarlamasy boıynsha sýbsıdııa alý jónindegi ótinishin qanaǵattandyryp berýge jáne jalpy qamqorlyq úshin qoǵamdyq qaýymdastyqtyń esepshotyna aýdarý arqyly jalpy somasy 3 mln teńge kóleminde júıeli negizde para alýda kúdikti dep tanylǵan.
Atalǵan is boıynsha tergeý jalǵasýda.