Aqmola oblystyq aýrýhanasynda emdeý sharalary qalaı júzege asyrylady
«Biz Aqmola oblysy men Kókshetaý qalasynyń barlyq emhanalarymen birlesip oryndaý sharttary sheńberinde jumys isteımiz. ıAǵnı, óńirdiń árbir turǵyny mindetti áleýmettik medıtsınalyq saqtandyrý arqyly tegin tekserýden ótip, kez kelgen mamannyń qabyldaýyna túse alady», - deıdi Aqmola oblystyq kópbeıindi aýrýhananyń ambýlatorııalyq-emhanalyq kómektiń basshysy Dınara Nazarova.
Búgingi tańda konsýltatıvtik-dıagnostıkalyq emhanada naýqastardy 31 maman qabyldaıdy.
«Qabyldaýdy kóp jyldyq jumys ótili bar bólimshelerdiń barlyq derlik meńgerýshileri júrgizedi, aýrýhanaǵa jatqyzý máselelerin – josparly da, shuǵyl da sheshedi. Konsýltatsııalyq-dıagnostıkalyq kómek telemedıtsına júıesi boıynsha da júzege asyrylady, ıaǵnı betpe-bet qabyldaýdan basqa naýqastarǵa jáne syrttaı keńes beremiz. Sondyqtan qaıta qabyldaýdy qajet etetinderge dárigerdi kórý úshin Kókshetaýǵa 200-300 shaqyrymǵa barýdyń qajeti joq, bizdiń dárigerler olardy syrttaı qabyldaı alady», - dep tolyqtyrdy Dınara Nazarova.
Emhanada qabyldaýdy travmatolog Vladımır Tsoı, gematolog Lıýdmıla Nefedova, endokrınolog Núrılá Kenjetaeva, hırýrg Sergeı Derıgler, pýlmonolog Natalıa Solonına, kardıolog Nurlan Minaıdarov, neırohırýrg Igor Ostretsov jáne taǵy basqalar júrgizedi.
Hırýrg Sergeı Derıgler medıtsınalyq mekemede 17 jyl jumys istedi.
«Jumys ońaı emes, biraq kóńildi, óıtkeni siz óz jumysyńyzdyń nátıjelerin, naýqastardyń qalaı qalpyna keletinin, olardyń ómir súrý sapasy qalaı jaqsaratynyn kóresiz», - dep bólisti dáriger.
Pýlmonolog Natalıa Solonına kúndelikti emhanada qabyldaıdy. Dárigerdiń aıtýynsha, naýqastardyń kóbi pnevmonııa, vırýstyq ınfektsııa, ÓSOA, sozylmaly bronhıt, demikpe sııaqty aýrýǵa shaldyqqandar. Sonymen birge, sońǵy kezderi bronh-ókpe júıesi aýrýy bar naýqastardyń sany artyp otyr. Munyń bári pandemııanyń nátıjesi.
«Koronavırýs kezinde jumys isteý óte qıyn boldy. Osy úsh jyldy artqa tastadyq. Men sol kezde Aqmola oblystyq kópbeıindi aýrýhana jumys istedim, juqpaly aýrýlar aýrýhanasyndaǵy barlyq naýqastarǵa keńes berdim, júkti jáne aýyr naýqastarǵa juqpaly aýrýlar ortalyǵynda keńes berdim. Meniń jumysymnyń eń qıyn bóligi – naýqasty ózine qajet dári-dármekterdi únemi qabyldaýǵa sendirý. Keıde adamǵa barlyq usynystardy tolyq oryndaý úshin jetý qıyn», - dedi Natalıa Solonına.
Aqmola oblystyq kópbeıindi aýrýhanasy kardıohırýrgııa bólimshesiniń meńgerýshisi Nurlan Minaıdarovtyń aıtýynsha, olardyń bólimshesiniń dárigerleri júrektiń ıshemııalyq aýrýy, júre paıda bolǵan jáne týa bitken aqaýlary, qolqa aýrýlary bar naýqastarǵa hırýrgııalyq em kórsetedi, sondaı-aq emhanada aptasyna úsh ret keńester jáne naýqastarǵa otadan keıingi baqylaý júrgiziledi. Kardıolog júrek-qan tamyrlary aýrýlarynyń kóbeıýin, sondaı-aq, dál osy aýrýlar búkil álem boıynsha ólim-jitimniń eń joǵary deńgeıine ıe ekenin aıtady.
«Júrektiń ıshemııalyq aýrýy jasarady. Qazir 25 jastaǵy naýqastarda ınfarkt eshkimdi tań qaldyrmaıdy», - dep qosty ol.
Aýrýhananyń konsýltatıvtik-dıagnostıkalyq emhanasynyń bazasynda aqmolalyqtar qajetti tekserýlerdiń barlyq tizimin ala alady. Medıtsınalyq personaldardyń aıtýynsha, mekemeniń klınıkalyq-dıagnostıkalyq zerthanasy – Aqmola oblysynda halyqaralyq sertıfıkaty bar jalǵyz zerthana. Taldaýlar saǵat 08:00-den 13:00-ge deıin qabyldanady jáne nátıjeler sol kúni beriledi.
Aýrýhananyń rentgenologııalyq zertteý ádisteriniń áleýeti óte joǵary. Emhanada úsh KT apparaty jáne eki MRT apparaty jumys isteıdi, barlyq derlik organdar men júıelerdi dıagnostıkalaý boıynsha barlyq qajetti rentgen apparattary bar, ýltradybystyq jáne fýnktsıonaldyq dıagnostıkanyń barlyq túrleri júrgiziledi. Atalǵan barlyq tekserýlerdi aqmolalyqtar mindetti áleýmettik medıtsınalyq saqtandyrý aıasynda tegin ala alady.
«Bizge kóbinese naýqastar úmitpen keledi. Adamnyń jarqyraǵan kózderimen ketip bara jatqanyn kórý óte jaqsy, óıtkeni biz oǵan aýrýdy hırýrgııalyq emes jolmen jeńýge kómektese aldyq», - dep túıindedi neırohırýrg Igor Ostretsov.
