Aqmola oblysynyń turaqtandyrý qorynda 9,8 myń tonna azyq-túlik bar
KÓKShETAÝ. KAZINFORM - Aqmola oblysyndaǵy turaqtandyrý qorynyń qoımalarynda azyq-túlik ónimderiniń taýarlyq qaldyqtary búgin 9 822,1 tonnany quraıdy.
Óńirde áleýmettik mańyzy bar azyq-túlik ónimderiniń baǵasyn turaqtyndyrýdy «Kokshe» áleýmettik – kásipkerlik korporatsııasy» AQ júzege asyrady.
«Kokshe» ÁKK» AQ baspasóz qyzmetiniń málimetinshe, 2024 jyldyń basynan bastap óńirlik turaqtandyrý qoryna jalpy somasy 345,7 mln teńgege 1 988,1 tonna kóleminde áleýmettik mańyzy bar azyq-túlik ónimderiniń 6 túri satyp alyndy. Búgingi kúni onyń 1 144 tonnasy 401 mln teńgege satyldy.
«Oblystaǵy turaqtandyrý qorynyń qoımalarynda azyq-túlik ónimderiniń taýarlyq qaldyqtary búgin 404,5 tonnany quraıdy. Buǵan qosa, 2024-2025 jyldardaǵy maýsymaralyq kezeńde 5 314,9 tonna kóleminde kókónis ónimderiniń qory qalyptastyryldy, bul óńirdiń qys-kóktem kezeńindegi qajettiligin 100 paıyzǵa jabady», - dedi vedomstvodan.
Sonymen birge, osy jylǵy tamyz aıynyń sońynda Túrkistan qalasynda ótken kóshpeli keńes aıasynda Aqmola oblysyna 2025 jyldyń kóktemgi-jazǵy maýsymaralyq kezeńinde erte kókónis ónimderin jetkizý boıynsha sharttar jasaldy. ıAǵnı, «Kokshe» ÁKK» AQ men jetekshi aýyl sharýashylyǵy taýaryn óndirýshiler arasynda Aqmola oblysyna 90 tonna erte kókónis ónimderin jetkizý týraly jasalǵan sharttar aıasynda, Túrkistan oblysynyń «Erbolat» ShQ 20 tonna sábiz jáne 20 tonna pııaz, «Aq-Orda B» JShS 30 tonna kartop pen 20 tonna qyryqqabat jetkizýge kelisti.
Buǵan qosa, forvardtyq sharttar jáne ónim berýshide saqtalatyn sharttar sheńberinde kelisimshartqa otyrǵan áleýmettik mańyzy bar azyq-túlik taýarlarynyń kólemi 3 124,9 tonnany quraıdy.
«Aýyl sharýashylyǵy taýaryn óndirýshilerden forvardtyq satyp alý aldyn ala tólem sharttarymen júzege asyrylady, al ónimdi jetkizý maýsymaralyq kezeńde belgilengen, naqtyraq aıtsaq, tómendetilgen baǵamen júzege asyrylady. Sondaı-aq, «aınalym shemasy» tetigi sheńberinde Qaryz sharttaryn jasasý boıynsha jumys júrgizildi, qaryzdarǵa 1884,5 mln teńge baǵyttaldy. Et, sút, un ónimderi, kúnbaǵys maılary jáne jumyrtqa tárizdi ónimderdi óńirlik turaqtandyrý qoryna jetkizýdi qamtamasyz etetin jetkizýshilermen sharttar jasaldy», - dep qosty vedomstvodan.
Aıta ketsek, óńirlik turaqtandyrý qoryndaǵy taýarlardyń arasynda rojkı 1 kg-286, tazalanǵan kúrish 1 kg -350/430, as tuzy 1 kg -57, qant 1 kg -430, 1 sortty un 1 kg- 430 jáne kúnbaǵys maıy 1 kg-600 teńgeden satylyp jatyr.
Sondaı-aq, turaqtandyrý qorynan alynǵan ónimder «Kokshe» ÁKK» AQ-men, onyń ishinde Aqmola oblysynyń aýdandarynda seriktestik kelisim jasasqan dúkenderde satylady.
Eske salaıyq, budan buryn Aqmola oblysynyń dıqandary mol astyqtan úmitti ekenin jazǵan edik.
