Aqmola oblysynyń prokýratýrasy ıspan ınvestorynyń problemasyn sheship berdi
Aqmola oblysynyń prokýratýrasy quny 63 mlrd teńge bolatyn «Big Farm» JShS (Urbas Crupo) ınvestıtsııalyq jobasynyń problemalyq máselesin sheship berdi, dep habarlaıdy QazAqparat.
Jylyna 7200 tonna asyl tuqymdy sıyr etin óndirýdi josparlap otyrǵan ıspan ınvestory 3 jyl ishinde ınvestıtsııalyq jobany júzege asyrý úshin qajetti jer ýchaskesin ala almaǵan.
Sondaı-aq, ol qurylysqa ruqsat berý qujattaryn alýda ákimshilik kedergilerge tap bolǵan.
"Búgingi tańda oblys prokýratýrasy keshendi sharalarmen «Big Farm» JShS sheteldik ınvestorynyń (otandyq bıznes ókilderiniń qatysýymen) jobasyn súıemeldeý sheńberinde jumysyn bastady.
Prokýratýranyń negizgi mindeti problemalardy tıimdi sheshý, ınvestorlardyń quqyqtary men zańmen qorǵalatyn múddelerin qalpyna keltirý bolyp tabylatynyn atap ótemiz", - dep jazdy baqylaýshy organnan.
