Aqmola oblysynyń Polıtsııa departamentinde birqatar kadrlyq aýys-túıis boldy
QR Іshki ister mınıstriniń buıryǵymen Aqmola oblysy PD qalalyq jáne aýdandyq polıtsııa basqarmalary men bólimderiniń birqatar basshylary taǵaıyndaldy, dep habarlaıdy Kazinform.
Aqmola oblysynyń PD baspasóz qyzmetiniń málimetinshe, Stepnogor qalalyq Polıtsııa basqarmasynyń bastyǵy laýazymyna polıtsııa polkovnıgi Talǵat Ábdirahmanuly Saqanov taǵaıyndaldy. Ol buryn Qosshy qalasynyń polıtsııa bólimin basqarǵan.
Talǵat Ábdirahmanuly 1973 jyldyń 25 naýryzynda Aqmola oblysy Egindikól aýylynda dúnıege kelgen. Іshki ister organdarynda qyzmetin 1996 jyly Aqmola oblysynyń Egindikól aýdany boıynsha MTKB qyzmetkeri bolyp bastady. Sol jyly ol kishi jedel ýákil laýazymyna taǵaıyndaldy jáne ár ýaqytta ártúrli jedel qyzmetterde jumys istedi. Tselınograd aýdandyq polıtsııa bólimi bastyǵynyń orynbasary, Egindikól jáne Astrahan aýdandarynyń polıtsııa bólimderin basqardy. 2021 jyly Qosshy qalasy polıtsııa bóliminiń basshysy boldy.
Stepnogorsk qalasy polıtsııa basqarmasynyń jeke quramyna jańadan taǵaıyndalǵan basshyny PD bastyǵynyń orynbasary polkovnık B. E. Eralın tanystyrdy.
Sonymen birge, Qosshy qalasy polıtsııa bóliminiń bastyǵy laýazymyna Іshki ister organdarynda 30 jyldan astam qyzmet atqarǵan polıtsııa polkovnıgi Azamat Táshkenbaıuly Aýshákimov taǵaıyndaldy.
Azamat Táshkenbaıuly Іshki ister organdarynda qyzmetin QR ІІM Qaraǵandy joǵary mektebiniń kýrsanty bolyp bastady. Keıin Kókshetaý oblysy ІІB Şýche QІІB jedel ýákili, sodan keıin tergeýshisi bolyp istedi. Ár ýaqytta tergeýshi, aǵa tergeýshi, Astrahan AІІB bastyǵynyń tergeý jónindegi orynbasary, Anyqtaý jáne Tergeý basqarmasy bastyǵynyń orynbasary bolyp qyzmet atqardy.
Sonymen birge PD Anyqtaý basqarmasyn, Tselınograd aýdanynyń polıtsııa bólimin basqardy. Jańa qyzmetke taǵaıyndalǵanǵa deıin Shortandy aýdandyq polıtsııa bólimin basqardy.
Al, Shortandy aýdandyq polıtsııa bólimi bastyǵy laýazymyna polıtsııa polkovnıgi Erlan Qalıuly Orazbaev taǵaıyndaldy.
Erlan Qalıuly 1979 jyly 22 tamyzda Aqmola oblysynda dúnıege kelgen. QR ІІM Qaraǵandy joǵary mektebin bitirgennen keıin, 2000 jyly qyzmetin Qaraǵandy oblysy Nura aýdanynyń ÁPB ýchaskelik ınspektory qyzmetinen bastady. Ár ýaqytta jedel jáne tergeý bólimshelerinde jumys istedi, Qaraǵandy oblysy ІІD Prıozersk qalasynyń Іshki ister bólimin, Qaraǵandy qalasy ІІB Kırov polıtsııa bólimin, Nura aýdanynyń polıtsııa bólimin basqardy. Jańa qyzmetke taǵaıyndalǵanǵa deıin Qaraǵandy oblysy PD Kóshi-qon qyzmeti basqarmasynyń bastyǵy laýazymynda boldy.
Qosshy qalalyq jáne Shortandy aýdandyq PB jeke quramdaryna jańa basshylardy Aqmola oblystyq PD bastyǵynyń birinshi orynbasary polkovnık S. Ábýtálipov tanystyrdy.
Aıta ketsek, budan buryn Aqmola oblysynyń Egindikól aýdanyna jańa ákim taǵaıyndalǵanyn jazǵan edik.
