Aqmola oblysynda polıtsııa qyzmetkeri mas kúıde kólik júrgizgen
KÓKShETAÝ. KAZINFORM – Mas kúıinde rýlge otyryp, kólik basqarǵan aqmolalyq polıtsııa qyzmetkerine qatysty tártiptik sıpattaǵy qatań shara qoldanylady. Bul týraly Aqmola oblysy Polıtsııa departamentiniń baspasóz qyzmeti túsinik berdi.
Vedomstvonyń málimetinshe, mas kúıinde rýlge otyrǵan polıtsııa qyzmetkeri jaýapqa tartylǵan.
«Qazirgi ýaqytta qyzmettik tergeý júrip jatyr. Sonyń qorytyndysy boıynsha tártiptik sıpattaǵy qatań sharalar qabyldanatyn bolady, tipti ishki ister organdaryndaǵy jumysynan da qýylýy múmkin», — dep túsindirdi vedomstvodan.
Aıta ketsek, budan buryn áleýmettik jelide Astana qalasynda Aqmola oblysy PD Uıymdasqan qylmyspen kúres basqarmasynyń bólim bastyǵy, polıtsııa podpolkovnıgi Qaırat Janaevtyń mas kúıinde avtokólik basqarǵan jerinde ustalǵany jarııalanǵan edi.