Aqmola oblysynyń polıtseıleri aýa raıynyń qolaısyzdyǵyna baılanysty trassalardy kúsheıtilgen patrýldeýge kiristi

KÓKShETAÝ. KAZINFORM — Aqmola oblysynda aýa raıynyń qolaısyzdyǵyna baılanysty joldar jabyldy. Aqmola oblysynyń bas polıtseıi Nursultan Mýkashev tártip saqshylaryna óńirdiń barlyq joldaryn qarqyndy patrýldeýdi tapsyrdy. Bul týraly Polisia.kz jazdy.

– Jol-kólik oqıǵalarynyń aldyn alý jáne eskertý maqsatynda joldardy patrýldeý jalǵasady. Búgin, 11-13 qazan aralyǵynda kúsheıtilgen rejımde jumys isteıtin bolamyz. Qoǵamdyq qaýipsizdik pen azamattardyń tynyshtyǵyn saqtaý maqsatynda óz jumysymyzdy jaýapkershilikpen oryndaımyz, – dep túıindedi Aqmola oblysy PD JPQB bastyǵynyń orynbasary Ýalıhan Jýnýspekov.

Qazir joldarda bolyp jatqan jaǵdaıdy eskere otyryp, saǵat 18:00-de Astana – Petropavl avtojolyna, Astana qalasynan Kókshetaý qalasyna deıin, 18-den 304 km-ge deıin barlyq kólik quraldary úshin qozǵalysty shekteý engiziletin bolady. Polıtsııa bul kúnderi avtokólik júrgizýshileri men jaıaý júrginshilerge abaı bolýdy eskertedi jáne júrgizýshilerdi kólikterin daıyndaýǵa, dóńgelekterdi qysqy rezeńkege aýystyrýǵa shaqyrady.

Eń bastysy – jol qozǵalysy erejelerin múltiksiz saqtaý jáne júrgizýshi mádenıetiniń deńgeıin arttyrý. Ózara syılastyq pen tártip – joldardaǵy qaýipsizdiktiń kepili jáne elimizdiń eń iri megapolısinde apattylyqty tómendetý máselesinde sheshýshi faktorlardyń biri.