Aqmola oblysynyń Ereımentaý aýdanynda esirtki zerthanasy anyqtaldy
ASTANA. KAZINFORM - Bıylǵy qyrkúıekte Ulttyq qaýipsizdik komıtetiniń (UQK) Aqmola oblysy boıynsha departamenti Ereımentaý aýdanyndaǵy prokýratýra organdary úılestirýimen sıntetıkalyq esirtki óndirisine qatysty jasyryn zerthananyń áreketin toqtatty.
QR Ulttyq qaýipsizdik komıteti baspasóz qyzmetiniń habarlaýynsha, esirtki zatynyń kezekti partııasyn daıyndap jatqan kezinde Qazaqstan azamaty ustalyp, sottyń sanktsııasymen qamaýǵa alyndy.
7 kg-ǵa jýyq «mefedron» júıkege áser etetin zaty, 100 lıtrden astam prekýrsor, sondaı-aq sıntetıka jasaýǵa arnalǵan zerthanalyq jabdyqtar tárkilengen.
Qazaqstan Respýblıkasy Qylmystyq kodeksiniń 297-babynyń 3-bólimi boıynsha sotqa deıingi tergep-tekserý júrgizilýde.
«Qylmystyq-protsestik kodekstiń 201-babynyń 1-bólimine sáıkes ózge aqparat jarııa etýge jatpaıdy», - delingen UQK baspasóz qyzmeti taratqan habarlamada.
Osyǵan deıin UQK ókilderiniń asa iri kólemde esirtki saýdalaǵan qylmystyq toptyń jolyn keskenin habarladyq.
