Aqmola oblysynyń balalar quqyqtaryn qorǵaý basqarmasyna basshy keldi
ASTANA. KAZINFORM — Aqmola oblysy ákiminiń ókimimen Aqmola oblysynyń balalardyń quqyqtaryn qorǵaý basqarmasynyń basshysy bolyp Botakóz Dúısenova taǵaıyndaldy, dep habarlaıdy oblys ákiminiń baspasóz qyzmeti.
Botakóz Balapaıqyzy Dúısenova Sh. Ýálıhanov atyndaǵy Kókshetaý pedagogıkalyq ınstıtýtyn jáne A. Myrzahmetov atyndaǵy Kókshetaý ýnıversıtetin bitirgen.
Eńbek jolyn 1988 jyly Zerendi aýdanynyń Aqan orta mektebinde tárbıeshi bolyp bastaǵan.
1994–1998 jyldary Sh. Ýálıhanov atyndaǵy Kókshetaý memlekettik pedagogıkalyq ınstıtýtynda qazaq tili pániniń oqytýshysy bolyp jumys istegen.
1999–2025 jyldary Aqmola oblysynyń bilim basqarmasynda qyzmet atqaryp, jetekshi mamannan bastap basqarma basshysynyń orynbasary laýazymyna deıin kóterilgen.
Taǵaıyndalǵanǵa deıin Aqmola oblysynyń balalardyń quqyqtaryn qorǵaý basqarmasy basshysynyń mindetin atqarǵan.
Budan buryn Jetisý oblystyq balalardyń quqyqtaryn qorǵaý basqarmasynyń basshysy aýysqanyn jazdyq.
