Aqmola oblysynyń Astrahan aýdanynda tótenshe jaǵdaı jarııalandy
KÓKShETAÝ. KAZINFORM – Aqmola oblysynyń Astrahan aýdanynda tabıǵı sıpattaǵy tótenshe jaǵdaı jarııalandy. Bul Kókshetaý qalasynan bólek, oblysta tótenshe jaǵdaı jarııalanyp otyrǵan 5-shi aýdan.
«Qurmetti Astrahan aýdanynyń turǵyndary! Kolýton, Arshaly jáne Boqsyq ózenderdegi sýdyń deńgeıi kúrt kóterilýine jáne aýyldardaǵy úılerdi sý basýyna baılanysty Astrahan aýdanynyń aýmaǵynda tabıǵı sıpattaǵy tótenshe jaǵdaı jarııalandy. Jergilikti atqarýshy organdar, quqyq qorǵaý organdary jáne TJB organdary tarapynan sý basqan aýmaqtardan halyqty, mal men múlikti evakýatsııalaý boıynsha jumystar uıymdastyryldy. №6 agrotehnıkalyq kolledje, Staryı Kolýton orta mektebinde, sondaı-aq, №3 Jaltyr orta mektebinde evakýatsııalanǵan turǵyndarǵa ornalastyryldy. Sý tasqynynan zardap shekken turǵyndarǵa keltirilgen zalal komıssııa teksergennen keıin óteletin bolady», - delingen aýdan ákim Talǵat Erseıitovtyń aýdan turǵyndarǵa joldaǵan úndeýinde.
Ákimniń aıtýynsha, qazirgi kezde, aýdan ákimdigi janynan sý tasqynyna qarsy shtab uıymdastyrylyp, jumys isteýde. Sý tasqynyna baılanysty kez kelgen aqparatty 5-11-01 telefon nómiri arqyly bilýge bolady.
Aıta ketsek, budan buryn Aqmola oblysynyń Bulandy aýdanynda tótenshe jaǵdaı jarııalanǵanyn jazǵan edik.
