Aqmola oblysynyń alty aýdanyndaǵy órt sóndirildi
KÓKShETAÝ. KAZIFORM – TJM qutqarýshylary bir kúnde Aqmola oblysynyń alty aýdanynda tabıǵı órtti sóndirdi.
Bir táýlik ishinde Aqkól, Zerendi, Shortandy, Esil, Astrahan jáne Atbasar aýdandarynda qurǵaq shópter men qamys órtengen jerdiń aldyn ala jalpy aýdany 33 ga boldy.
TJ Departamentiniń, jergilikti atqarýshy organdardyń, erikti órt sóndirý quralymdarynyń jáne «Qazavıaormanqorǵaý» birlesken kúshteri men quraldarynyń arqasynda 6 aýdanda órt joıyldy. Zardap shekkender joq, sondaı-aq eldi mekenderge qaýip bolǵan joq.
«Barlyq faktiler boıynsha halyqtyń otpen abaısyz paıdalanýy sebep boldy. Atap aıtqanda: tómen kalorııaly tutaný kózi, ıaǵnı sirińke nemese sóndirilmegen temeki. TJM azamattardan órt qaýipsizdigi erejelerin saqtaýdy suraıdy», - delingen mınıstrlik habarlamasynda.
Aıta keteıik, Aqmola oblysynda quny 70 mln teńge bolatyn jer memleketke qaıtarylǵan bolatyn.
