Aqmola oblysynyń ákimi Marat Ahmetjanov respýblıkalyq referendýmǵa qatysty
KÓKShETAÝ. KAZINFORM - Marat Ahmetjanov jubaıymen birge Qazaqstan Respýblıkasynyń jańa Konstıtýtsııasyn qabyldaý máselesi boıynsha referendýmda óz daýysyn oblys ortalyǵyndaǵy «Kókshetaý» mádenıet saraıynda ornalasqan №18 saılaý ýchaskesinde berdi.
Marat Ahmetjanov aqmolalyqtardy azamattyq jaýapkershilik tanytyp, referendýmǵa qatysýǵa shaqyrdy.
– Referendým – bul halyqtyń azamattyq kemeldigi men saıası sanasy aıqyn kórinetin sát. Barsha óńir turǵyndaryn birlik tanytyp, belsendilik kórsetip, daýys berý arqyly óz pikirin bildirýge shaqyramyn, – dep atap ótti oblys ákimi.
Aıta keteıik, Aqmola oblysynda 760 saılaý ýchaskesi jumys isteıdi.
