Aqmola oblysyndaǵy jol apatynan 3 adam qaza boldy
ASTANA. KAZINFORM – Oqıǵa ornynda bir kóliktiń júrgizýshisi men eki jolaýshysy qaza tapty, dep habarlaıdy Kazinform agenttiginiń tilshisi.
Aqmola oblystyq polıtsııa departamentiniń baspasóz qyzmetiniń málimetinshe, 3 tamyz kúni saǵat 243-shi shaqyrymda «Astana — Petropavl» avtojolynda «Hyundai Elantra» jáne «VAZ-2107» avtokólikteri soqtyǵysqan.
— «VAZ-2107» avtokóliginiń júrgizýshisi men eki jolaýshysy alǵan jaraqattarynan oqıǵa ornynda kóz jumdy. Al «Hyundai Elantra» kóliginiń júrgizýshisi men tórt jolaýshysy túrli dene jaraqattarymen medıtsınalyq mekemege jetkizildi, — dedi jergilikti polıtsııa qyzmeti basqarma bastyǵynyń orynbasary Ýalıhan Júnisbekov.
Qazirgi tańda óńir polıtseıleri sotqa deıingi tergep-tekserý jumystaryn bastady. Quqyqtyq sheshim tergeý nátıjesi boıynsha qabyldanady.
Aıta keteıik, jol apaty bolǵan sáttiń vıdeosy áleýmettik jelilerde jarııalandy.
Polıtsııa qyzmetkerleri júrgizýshilerge jolda jyldamdyq rejımin, araqashyqtyqty saqtap, ásirese kólik qozǵalysy qarqyndy ýchaskelerde asa muqııat bolýǵa shaqyrady.
Eske sala keteıik, buǵan deıin Ekaterınbýrg-Almaty trassasyndaǵy jol apatynan tórt adam qaza tapqan edi.