Aqmola oblysyndaǵy jármeńke: Tájikstannan 480 tonna aýyl sharýashylyǵy ónimi ákelindi
KÓKShETAÝ. KAZINFORM - Kókshetaý qalasynda aýyl sharýashylyǵy jármeńkesi ótti. Qalanyń ortalyq alańyna jınalǵan kelýshilerge ónimderdiń keń assortımenti usynyldy, dep habarlaıdy oblystyń ishki saıasat basqarmasy.
Tájikstannyń aýyl sharýashylyǵy óndirýshileriniń qazaqstandyqtarǵa ózderi ósirgen ónimdi satýy dástúrge aınalýda. Buǵan deıin tamyz aıynda elordada eki respýblıkanyń prezıdentteri - Qasym – Jomart Toqaev pen Emomalı Rahmon arasyndaǵy ýaǵdalastyqqa sáıkes Tájikstannan jármeńke-kórme ótti.
Endi Kókshetaý elimizdegi kúzgi syılyqtardyń túrli-tústi boıaýlary órbigen ekinshi qalaǵa aınaldy. Tájik fermerleri usynǵan tizimde júzimniń, almanyń, almurttyń jáne basqa da kókónister men jemisterdiń alýan túrleri usynyldy.
Sondaı – aq, qala turǵyndary bal, keptirilgen jemister men konservilerdi, shyryndar, qyzanaq, qııar, anzýr taý pııazyn da satyp ala aldy.
Jármeńkege 40-tan astam jańa ónim ákelgen Aqmola agrarshylary da óz ónimderin usyndy. Olar et ónimderin 2500-2800 teńgege, balyq, kartop jáne kókónisterdi 100-120 teńge baǵamen, jumyrtqa, bal jáne Ara sharýashylyǵy ónimderi, kondıterlik jáne makaron ónimderi, sondaı-aq basqa da azyq-túlik ónimderi satylymǵa qoıyldy.
Uıymdastyrylǵan jármeńkege Aqmola oblysy ákiminiń orynbasary Murat Balpan da qatysty. Spıkerdiń aıtýynsha, bul jármeńkeni qala turǵyndary asyǵa kútedi.
«Búgin biz jármeńkeni Qarttar kúni qarsańynda ótkizip otyrmyz. Oǵan 9 aýdan men Kókshetaý qalasy qatysýda. Bul joly biz qatysýshylardyń sheńberin keńeıttik. Aqmola oblysy ákiminiń shaqyrýymen Tájikstannan taýar óndirýshiler kelip, aýyl sharýashylyǵy ónimderin, onyń ishinde jańa pisken jemister men kókónisterdi ákeldi. Bul eki eldiń aýyl sharýashylyǵy qyzmetkerleri úshin bir-birimen tanysyp, ótkizý naryqtaryn keńeıtýge, al turǵyndar úshin ekologııalyq taza ónimdi satyp alýǵa tamasha múmkindik. Osyndaı jármeńkeler jalǵasyn tabady, 29 qazanda elorda turǵyndaryna osyndaı shara ótkizýdi josparlap otyrmyz», - dep aıtty Murat Balpan.
Tájikstannan kelgen dıqandardyń ónimi satylatyn oryndardyń mańynda halyq kóp boldy.
«Biz aýyl sharýashylyǵy ónimderiniń 30 túrin ákeldik, onyń jalpy kólemi 400 tonnadan astam boldy. Aldaǵy ýaqytta elimizdiń úkimeti atynan mundaı jármeńkelerdi Aqmolada jáne Qazaqstannyń basqa da oblystarynda ótkizetin bolamyz», - dedi Tájikstan Respýblıkasynyń Úkimeti janyndaǵy Eksport agenttiginiń dırektory, «Tadjagropromeksport» kásipornynyń dırektory Iftıhor Shokırov.
Qala turǵyndary azyq-túlik taýarlaryn belsendi túrde bólshektedi.
«Ónim assortımenti jaqsy, ónim taza. Men qysta sút, et, birneshe ondaǵan jumyrtqa, bal satyp aldym. Baǵalary oıymnan shyqty, men únemdeı aldym. Barlyq ónimder keremet. Osyndaı jármeńkelerdi ótkizgenderińizge rahmet», - dedi Kókshetaý qalasynyń turǵyny Zamarııa Jakeeva.
