Aqmola oblysyndaǵy ushaq apaty: komıssııa quryldy

ASTANA. KAZINFORM – Eki adamnyń ólimine alyp kelgen jeke ushaq apatynyń saldaryn arnaıy komıssııa anyqtap jatyr. Bul týraly Kólik mınıstrliginiń baspasóz qyzmeti habarlaıdy.

- 2025 jylǵy 17 tamyz kúni saǵat 17:40-ta Aqmola oblysynda jalpy avıatsııa jelisi boıynsha ushý kezinde Aerostar R40F UP-LA229 jeńil motorly ushaq apatqa ushyrady. Áýe oqıǵalaryn tergeý qaǵıdasyna sáıkes komıssııa quryldy, - delingen habarlamada. 

Qazir Kólik mınıstrliginiń oqıǵalar men jaıttardy tergep-tekserý departamentiniń qyzmetkerleri apat ornyna shyqty. 

Buǵan deıin habarlaǵanymyzdaı, Aqmola oblysynda jeke ushaq apatqa ushyrap, eki adam qaza tapty. 

Eske salsaq, bul elorda mańynda tirkelgen birinshi jaıt emes. Bıyl maýsymda Aqmola oblysynda jeńil motorly ushaq apatqa ushyrap, eki adam mert bolǵan edi.