Aqmola oblysyndaǵy ulttyq park aýmaǵynda órt shyqty
ASTANA. KAZINFORM — Qazirgi ýaqytta «Kókshetaý» ulttyq parkinde orman órti sóndirildi, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
2026 jylǵy 17 maýsymda saǵat 15:59–de «Kókshetaý» memlekettik ulttyq tabıǵı parkiniń Aryqbalyq fılıaly aýmaǵyndaǵy Torǵaı ormanshylyǵynda orman órtendi.
— Órttiń jalpy aýmaǵy 11,58 gektardy qurady. Onyń ishinde 0,38 gektary ormanmen kómkerilgen jer bolsa, 11,2 gektary ormansyz (jaıylymǵa) tıesili. Órtti sóndirý jumystaryna 24 adam men 8 tehnıka jumyldyryldy, — delingen habarlamada.
«Kókshetaý» ulttyq parki ormandar men tabıǵı aýmaqtarda órt qaýipsizdigi erejelerin qatań saqtaýǵa shaqyrady. Tipti bolmashy uqypsyzdyqtyń ózi tabıǵatqa orasan zor zııan keltirýi múmkin.
Buǵan deıin ShQO-da órt qaýipsizdigi talaptaryn buzǵan 150-den astam adam jaýapqa tartylǵany belgili boldy.
