Aqmola oblysyndaǵy sý tasqyny: Bektenov Astrahan men Bulandy aýdany ákimderin synǵa aldy

ASTANA. KAZINFORM — QR Premer-mınıstr Oljas Bektenov Aqmola oblysyndaǵy sý tasqyny kezinde eki aýdannyń ákimi jaǵdaıdy baqylaýdan shyǵaryp alǵanyn aıtty. Áýeli QR tótenshe jaǵdaılar vıtse-mınıstri Kegen Tursynbaev óz baıandamasynda óńirdegi qazirgi jaǵdaıdaǵy ahýal jaıly málimdedi.

— Ótken aptada erigen qar sýy men kóp jaýǵan jańbyrdyń saldarynan Aqmola oblysyndaǵy turǵyn úılerdi sý basty. Qolda bar sý ótkizý júıeleri mol kólemdegi sýdy ótkizýge qaýqarsyz bolyp shyqty. Bul jaǵdaı Astana qalasy men Qaraǵandy oblysynan, Mınıstrliktiń áskerı bólimderinen qosymsha kúshter men quraldar jóneltýdi talap etti. Azamattar dereý qaýipsiz jerlerge kóshirilip, kezek kúttirmeıtin avarııalyq-qutqarý jumystary júrgizildi. Aqmola oblysynyń kólik qatynasy úzilgen eldi mekenderine ýaqytsha jol qatynasy uıymdastyryldy, azyq-túlik qory jetkilikti mólsherde. Qazirgi ýaqytta jergilikti ózenderdegi sý deńgeıi tómendeýde, — dedi ol Úkimet otyrysynda.

Óz sózinde Úkimet basshysy eki aýdannyń ákimin synǵa aldy. 

— Jalpy oblys boıynsha aldyn ala qabyldanǵan sharalar óz nátıjesin berdi. Biraq Astrahan men Bulandy aýdandarynyń ákimderi jaǵdaıdy jiberip aldy. Bul máseleni qazir kórip otyrmyz, — dedi Oljas Bektenov.