Aqmola oblysyndaǵy shahtany zańsyz qazǵan eki adam qaza tapty
ASTANA.KAZINFORM — Bestóbe kenishinde eki er adam úıindi astynda qalyp qoıdy.
Aqmola oblystyq polıtsııa departamentiniń málimetinshe, Bestóbe kenishi opyrylyp, eki er adam qaza tapty. Marqumdardyń biri — 38 jasta, al ekinshisi — 21 jasta bolǵan.
— Polıtsııa qyzmetkerleri, tergeý toby jáne qutqarý qyzmetteri oqıǵa ornyna dereý jiberildi. Shuǵyl qutqarý jumystarynan keıin marqumdardyń deneleri tabylyp, jer betine shyǵaryldy, — dep habarlady vedomstvo.
Stepnogor polıtsııa bólimi bul oqıǵa boıynsha Qazaqstan Respýblıkasy Qylmystyq kodeksiniń 269-1-babynyń 3-bóligi (qorǵalatyn nysanǵa zańsyz kirý) boıynsha sotqa deıingi tergeý bastady. Qajetti sot-medıtsınalyq saraptamalar taǵaıyndaldy jáne oqıǵanyń barlyq mán-jaıy anyqtalyp jatyr.
Beıresmı derekkózderge súıensek, marqumdar kompanııa qyzmetkerleri emes.
Buǵan deıin ShQO-daǵy Artemev shahtasynda mehanık 9 metrden qulap, kóz jumdy.
