Aqmola oblysyndaǵy shahtadan jumysshynyń denesi tabyldy
KÓKShETAÝ. KAZINFORM – Aqmola oblysyndaǵy Aqsý kenishiniń ýchaskesinde jumysshy óli kúıinde tabyldy. Oqıǵa boıynsha sýıtsıd faktisimen qylmystyq is qozǵaldy.
Aqmola oblysy boıynsha eńbek ınspektsııasy departamentiniń málimetinshe, 2026 jylǵy 24 naýryz kúni vedomstvoǵa «AK Altynalmas» AQ zańgerinen Aqsý kenishiniń ýchaskesinde bolǵan jazataıym oqıǵa týraly habarlama túsken.
Vedomstvonyń habarlaýynsha, atalǵan oqıǵa boıynsha Memlekettik eńbek ınspektsııasy komıtetiniń Aqmola oblysy boıynsha departamenti arnaıy tergeý júrgizedi.
Al oblystyq polıtsııa departamenti bul derek boıynsha sýıtsıd faktisimen qylmystyq is qozǵalǵanyn málimdedi.
«Sýıtsıd faktisi boıynsha qylmystyq is tirkeldi. Oqıǵanyń sebepteri men mán-jaıy anyqtalyp jatyr», – dep habarlady Aqmola oblysy polıtsııa departamentiniń baspasóz qyzmeti.
Bul – óńirdegi shahtalarda tirkelgen sońǵy ýaqyttaǵy úshinshi qaıǵyly jaǵdaı. Buǵan deıin Aqmola oblysyndaǵy shahtada zańsyz altyn izdeýshiler opyrylyp qalǵan ken astynda qalyp, bir adam qaza taýyp, ekeýi aýrýhanaǵa jetkizilgen bolatyn.
Sondaı-aq buǵan deıin Bestóbe kentindegi kenish shahtasynda belgisiz er adamnyń máıiti tabylyp, polıtsııa onyń jeke basyn anyqtaǵan edi.