Aqmola oblysyndaǵy shahtada zańsyz altyn izdeýshi qaza tapty

ASTANA. KAZINFORM — Aqmola oblysyndaǵy Bestóbe kentinde shahtada zańsyz altyn izdep júrgen adam qaza tapty. Oqıǵaǵa baılanysty qylmystyq is qozǵaldy, dep habarlaıdy Kazinform agenttiginiń tilshisi.

shahty
Foto: Anadoly

Aqmola oblystyq polıtsııa departamentiniń baspasóz qyzmetiniń málimetinshe, aldyn ala boljam boıynsha, shahtada tas qulap, zańsyz altyn izdeýshi úıindi astynda qalǵan. Ol alǵan jaraqattarynan oqıǵa ornynda kóz jumdy.

— Kúzetiletin nysanǵa zańsyz kirý deregi boıynsha qylmystyq is qozǵaldy. Qazir qajetti tergeý amaldary júrgizilip, oqıǵanyń barlyq mán-jaıy anyqtalyp jatyr, — dep habarlady vedomstvo.

Buǵan deıin Bestóbe kentindegi shahtalardyń birinen eki er adamnyń máıiti bir kún aralyqpen tabylǵany habarlanǵan edi.

Sonymen qatar Jetisý oblysynda 1,5 mlrd teńgelik altyn quramdy kendi zańsyz áketý áreketi toqtatylǵanyn jazǵanbyz.