Aqmola oblysyndaǵy ormanda adasyp ketken 77 jastaǵy qarııa tabyldy
ASTANA. KAZINFORM – Aqmola oblysynyń Zerendi aýdanynda ormanǵa jıdek terýge baryp, adasyp ketken zeınetker qutqaryldy, dep habarlaıdy Tótenshe jaǵdaılar mınıstrligi.
Vedomstvonyń málimetinshe, TJM jedel-qutqarý jasaǵynyń qyzmetkerleri izdestirý jumystary barysynda 1948 jyly týǵan er adamdy taýyp aldy.
«Qutqarýshylardyń úılesimdi is-qımylynyń arqasynda zeınetker aman-esen tabyldy. Medıtsınalyq kómekke muqtaj bolǵan joq», – dep habarlady mınıstrlik.
TJM ormanǵa barar aldynda jaqyndaryńyzǵa baratyn baǵytyńyzdy habarlap, ózińizben birge tolyq qýattalǵan uıaly telefon alyp júrýge jáne beıtanys jerlerge, alysqa ketpeýge keńes berdi.
Sondaı-aq adasyp qalǵan jaǵdaıda 112 nómirine habarlasý qajettigin eske saldy.
Aıta keteıik, Aqmola oblysynda demalys kúnderi tórt adam sýǵa batyp ketti.
