Aqmola oblysyndaǵy keıbir sharýashylyqtar egistiktiń gektarynan 57 tsentnerden ónim alyp jatyr

KÓKShETAÝ. KAZINFORM - Aqmola oblysynyń dıqandary kúzgi egin oraǵy jumystarynyń 80 paıyzyn eńserdi.

Aqmola oblysy aýyl sharýashylyǵy jáne jer qatynastary basqarmasynyń málimetinshe, búgingi kúnge deıin oblysta 3,8 mln gektar alqaptyń egini jınaldy.

«Oblys boıynsha ár gektardan orta eseppen 13,2 tsentnerden alǵanda 5 mln tonna astyq bastyryldy. Bulandy aýdanyndaǵy aldyńǵy qatarly sharýashylyq gektar berekesi 57 tsentnerden aınalýda», – dedi vedomstvodan.

Aıta ketsek, bıylǵy jyly oblys boıynsha sebilgen aýyl sharýashylyǵy daqyldarynyń jalpy kólemi 5,4 mln gektardy quraıdy. Onyń 4,7 mln gektary –dándi jáne dándi burshaq daqyldary. Sonymen birge, maıly daqyldar, mal azyǵy, kartop jáne kókónis bar.

Oblysta naýqanǵa 9 myńǵa jýyq kombaın (jartysynan astamy qazirgi zamanǵy ónimdiligi joǵary kombaındar), 2,6 myń shalǵy, 5 myń avtokólik jumyldyrylǵan.

Eske salaıyq, budan buryn Aqmola oblysynyń dıqandary mol astyqtan úmitti ekenin jazǵan edik.