Aqmola oblysyndaǵy kenishte qaıǵyly oqıǵa boldy

KÓKShETAÝ. KAZINFORM — Aqmola oblysynyń Bestóbe kentindegi kenish shahtasynan er adamnyń máıiti tabyldy. Qazirgi ýaqytta polıtsııa onyń jeke basyn anyqtap jatyr.

Stepnogorsk qalasyna qarasty Bestóbe kentindegi kenishte taǵy bir jazataıym oqıǵa tirkeldi. Onda aldyn ala málimet boıynsha qaza tapqan adam qazba jumysyn zańsyz júrgizýi múmkin. 

Aqmola oblysy Polıtsııa departamentiniń baspasóz qyzmetiniń málimetinshe, atalǵan fakti boıynsha qylmystyq is qozǵaldy.

— Qazirgi ýaqytta qaza bolǵan adamnyń jeke basyn jáne oqıǵanyń mán-jaıyn anyqtaýǵa baǵyttalǵan qajetti tergeý sharalary júrgizilip jatyr, — dep habarlady vedomstvo ókilderi.

Eske sala keteıik, buǵan deıin «Bogatyr Kómir» kenishinde jumysshy toqqa túsip kóz jumǵanyn jazǵan edik.