Aqmola oblysyndaǵy aýylda qoǵamdyq Wi-Fi núktesi iske qosyldy
ASTANA. KAZINFORM – Aqmola oblysynyń Alǵabas aýylynda OneWeb geostatsıonarly emes spýtnıktik baılanys júıesi (NGSO) arqyly jumys isteıtin qoǵamdyq Wi-Fi núktesi iske qosyldy.
Bul bastama Qazaqstan Tsıfrlyq damý, ınnovatsııalar jáne aeroǵarysh ónerkásibi mınıstrligi tarapynan «Qoljetimdi ınternet» ulttyq jobasy aıasynda júzege asyrylyp otyr.
Joba baǵyttarynyń biri – shalǵaıdaǵy nemese halqy az aýyldardy ınternetke qosý. Mundaı eldi mekenderge talshyqty-optıkalyq baılanys jelilerin tartý nemese mobıldi stantsııalar ornatý tıimsiz. Al atalmysh tehnologııa joǵary jyldamdyqty ári turaqty ınternetti ózge sheshimder múmkin bolmaıtyn jerlerde de qoljetimdi etedi.
Jalpy, NGSO tehnologııasy arqyly 504 aýyldy ınternetpen qamtý kózdelgen. Búginde 176 eldi meken KazSat spýtnıkteri arqyly qosyldy, al taǵy 328 OneWeb júıesi negizinde qamtylady. Alǵabas aýylyn ınternetke qosý osy baǵyttaǵy alǵashqy qadamdardyń biri boldy.
– Buǵan deıin aýylymyzda baılanys múldem bolmaǵan. Habar alý úshin 3 shaqyrym jerdegi taýdyń basyna shyǵatynbyz. Endi aýylymyzda ınternet bar. Aǵaıyndarymyzǵa habarlasyp úlgerdik, - dedi Alǵabas aýylynyń turǵyny Botagóz Hýsaınova
Endi aýyl turǵyndary onlaın bilim alýǵa, elektrondyq memlekettik qyzmetterdi paıdalanýǵa jáne jaqyndarymen erkin baılanysta bolýǵa múmkindik alady.
Aıta keteıik, Astanada jyldamdyǵy 10 Gbıt/s kabeldik ınternet synaqtan ótkizilip jatyr.
Tsıfrlyq shtabtyń sheshimine sáıkes azamattarǵa balans nól nemese teris bolǵan jaǵdaıda da eGov, Aitu jáne eOtinish qyzmetterine qoljetimdilik qamtamasyz etiledi.