Aqmola oblysyndaǵy alaıaqtyq is boıynsha burynǵy dırektor sottaldy
ASTANA. KAZINFORM — Tselınograd aýdanynyń prokýratýrasy «Halyq únine qulaq asatyn memleket» tujyrymdamasy aıasynda azamattardy qabyldaý qorytyndysy boıynsha Talapker aýylynyń úleskerleriniń aryzyna sáıkes «Talapker-JT» JShS-niń dırektorynyń áreketterine qatysty keshendi sharalar qabyldady. Bul týraly Aqmola oblysy prokýratýrasy málim etti.
Anyqtalǵandaı, 2025 jyldyń tamyz aıynda «Talapker-JT» JShS-niń burynǵy dırektory kásiporynǵa tıesili aýmaǵy 211 gektar jer ýchaskesin zańsyz túrde 7 350 000 teńgege satyp, úleskerlerge iri mólsherde zalal keltirgen.
— Tselınograd aýdandyq sotynyń 09.01.2025 jylǵy úkimimen «Talapker-JT» JShS-niń burynǵy dırektory alaıaqtyq jasaǵany úshin kináli dep tanylyp, oǵan 3 jyl 6 aı merzimge bas bostandyǵyn shekteý jazasy jáne qosymsha jaza retinde 4 jylǵa belgili bir laýazymdardy atqarý quqyǵynan aıyrý taǵaıyndaldy, — delingen habarlamada.
Eske sala ketıik, buǵan deıin BQO-da Memlekettik kiris departamentiniń basqarma basshysy paramen ustalǵanyn jazdyq