Aqmola oblysynda júrip bara jatqan poıyzdyń aldynan kólik shyǵa kelgen

ASTANA. KAZINFORM —  Júk poıyzy avtokóliktiń kenet shyǵýyna qaramastan qaýipsiz toqtady, dep habarlaıdy QTJ baspasóz qyzmeti.

Oqys oqıǵa 6 jeltoqsan saǵat 18:02–de Aqmola oblysynyń Shortandy stantsııasynda bolǵan. 55 km/saǵ jyldamdyqpen kele jatqan júk poıyzynyń aldynan kenetten avtokólik shyqqan.

Avtokólik kúzetiletin jáne retteletin temirjol ótkelinde baǵdarshamnyń tyıym salý sıgnalyna jáne túsirilgen shlagbaýmǵa qaramastan shyǵyp ketken. Saldarynan poıyz mashınısi shuǵyl tejeýdi qoldandy. Lokomotıv brıgadasynyń ýaqtyly áreketteri arqasynda jol-kólik oqıǵasynyń aldyn alýǵa múmkindik týdy.

— Kólik júrgizýshisi oqıǵa ornynan izin sýytty. Poıyz stantsııadan 10 mınýttyq kidirispen jolǵa shyqty. Avtomatty kóshpeli dabyl shtattyq rejımde jumys isteıdi, ótkel jaryǵy bar. Oqıǵanyń mán-jaıyn anyqtaý úshin aqparat ári qaraıquqyq qorǵaý organdaryna jiberildi, — delingen kompanııa habarlamasynda.

Budan buryn Aqmola oblysynda poıyz vagondary relsten shyǵyp ketkeni belgili boldy.