Aqmola oblysynda júrgizýshini óziniń júk kóligi basyp ketti

ASTANA. KAZINFORM — Kókshetaýda tehnıka qaýipsizdigi talaptarynyń saqtalmaýy saldarynan 34 jastaǵy júrgizýshini óz júk kóligi basyp ketti, dep habarlaıdy Kazinform tilshisi.

Aqmola oblystyq polıtsııa departamentiniń baspasóz qyzmeti taratqan málimetke sáıkes, qaıǵyly oqıǵa 28 shilde kúni tańǵy saǵat 05:00 shamasynda Kókshetaý qalasyndaǵy janarmaı quıý beketteriniń birinde bolǵan.

— 1991 jyly týǵan Shacman kóliginiń júrgizýshisi janarmaı quıyp bolǵan soń, kólikti toqtatyp, onyń astyna túsken. Sol sátte kólik kenetten qozǵalyp ketip, er adamdy basyp ketken. Ol alǵan jaraqattarynan oqıǵa ornynda kóz jumdy, — dep habarlady vedomstvodan.

Atalǵan fakti boıynsha polıtseıler sotqa deıingi tergeý amaldaryn bastady. Sonymen qatar, memlekettik eńbek ınspektory tarapynan tekserý júrgizilip jatyr, sot-medıtsınalyq saraptama taǵaıyndaldy.

— Polıtsııa departamenti men eńbek qaýipsizdigi mamandary kez kelgen tehnıkamen jumys isteý barysynda qaýipsizdik normalaryn qatań saqtaý qajettigin taǵy bir márte eske salady. Kólik tolyqtaı bekitilip, jumysshylar osyndaı jaǵdaılarda ne isteý kerektigi boıynsha tıisti bilim alýy tıis. Tehnıka qaýipsizdigine jaýapkershilikpen qaraý — adam ómiriniń kepili, — delingen habarlamada.

Buǵan deıin Almatyda júk kóligi 7 jasar qyzdy basyp ketkenin jazǵanbyz.