Aqmola oblysynda júrgizýshi ekskavatormen birge sýǵa batyp ketti
KÓKShETAÝ. KAZINFORM — Polıtsııa oqıǵaǵa qatysty tergeý júrgizilgennen keıin ǵana protsessýaldyq sheshim qabyldanatynyn aıtty.
Aqmola oblystyq polıtsııa departamenti baspasóz qyzmetiniń habarlaýynsha, keshe, ıaǵnı 20 aqpan kúni saǵat 12:40 shamasynda Aqmola oblysynyń Tselınograd aýdandyq polıtsııa bólimine Qabanbaı batyr aýylynyń mańynda oqys oqıǵa bolǵany týraly habarlama kelip túsken.
— Aldyn ala málimet boıynsha ekskavator saz karerindegi toǵanǵa batyp ketti. Kabınada 1996 jyly týǵan júrgizýshi bolǵan. Qazir oqıǵa ornynda polıtsııa men tótenshe jaǵdaılar qyzmeti jumys istep, toǵannan tehnıkany shyǵarý jumystary júrgizilip jatyr. Oqıǵanyń mán-jaıy men sebebi anyqtalýda, — dep habarlady vedomstvodan.
Polıtseıler tergeý qorytyndysy boıynsha qoldanystaǵy zańnamaǵa sáıkes protsessýaldyq sheshim qabyldanatynyn túsindirdi. Qosymsha aqparat oqıǵa egjeıli-tegjeıli tekserilgennen keıin beriledi.
Budan buryn Omby–Maıqapshaǵaı trassasynda jol apatynan 4 adamnyń kóz jumǵany týraly jazǵan bolatynbyz.