Aqmola oblysynda júk vagondary relsten shyǵyp ketti
Aqmola oblysynyń «Arshaly-Anar» aralyǵynda Qostanaı – Kakır (Ózbekstan Respýblıkasy) baǵytyndaǵy júk poıyzynyń vagondary relsten shyǵyp ketti, dep habarlaıdy Kazinform.
Kóliktegi PD baspasóz qyzmetiniń málimetinshe, temirjol apaty qarashynyń 16-da bolǵan.
- Qazirgi kezde bul derek Qylmystyq kodekstiń 344-babynyń 1-bóligi boıynsha Astana stantsııasyndaǵy jelilik polıtsııa basqarmasynyń sotqa deıingi tergep-tekserýdiń biryńǵaı tiziliminde tirkelgen (qozǵalys qaýipsizdigi nemese temir jol kóligin paıdalaný qaǵıdalaryn buzý). Zardap shekkender joq. Tergeý júrip jatyr, - dedi vedomstvodan.
Departamentiniń baspasóz qyzmetinen túsindirgendeı, QR Qylmystyq-protsestik kodeksiniń 201-babynyń talaptaryna sáıkes ózge aqparat tergeý múddesi úshin jarııalanbaıdy.
Aıta ketsek, budan buryn ákesiniń ruqsatymen rýlge otyrǵan 13 jasar aqmolalyq jol apatyna túskenin jazǵan edik.
