Aqmola oblysynda júk lokomotıvi órtendi
ASTANA.KAZINFORM — Aqmola oblysynyń Arshaly aýdanynda «Astana – Qaraǵandy» baǵyty boıynsha kele jatqan júk lokomotıviniń mashınıst kabınasynan órt shyqty. Bul týraly Kazinform agenttiginiń tilshisi habarlady.
Aqmola oblysy Tótenshe jaǵdaılar departamentiniń málimetinshe, órt mashınıst kabınasynan shyǵyp, shamamen 15 sharshy metr aýmaqty sharpyǵan.
Vedomstvonyń resmı ókili Ersaıyn Qoıshybaevtyń aıtýynsha, órt Astana qalasynyń órt sóndirý poıyzynyń kúshimen tolyqtaı sóndirildi. Oqıǵa saldarynan qaza tapqandar men zardap shekkender joq.
Aldyn ala boljam boıynsha, órttiń shyǵýyna elektr symdarynyń qysqa tuıyqtalýy sebep bolǵan.
Eske salaıyq, buǵan deıin Astana qalasynyń Esil aýdanyndaǵy Syǵanaq kóshesinde LRT joldaryndaǵy elektr kabelderi janǵanyn jazdyq.
