Aqmola oblysynda júk kóligi joldyń shetinde turǵan jeńil kólikti myjyp ótti

KÓKShETAÝ. KAZINFORM — Aqmola oblysynda júk kóligi joldyń shetinde turǵan jeńil kólikpen soqtyǵysyp, bir adam jaraqat aldy.

Aqmola oblysy PD baspasóz qyzmetiniń málimetinshe, jol-kólik oqıǵasy shildeniń 13-de «Astana-Petropavl» tas jolynyń boıynda bolǵan.

«Qazirgi kezde osy oqıǵaǵa baılanysty sotqa deıingi tergeý amaldary júrgizilip jatyr. «Foton» jáne «Nissan» kólik quraldarynyń soqtyǵysýy saldarynan jeńil avtokóliktiń jolaýshysy jaraqat aldy. Tıisti saraptamalar taǵaıyndaldy», — dedi vedomstvodan.

Osy rette, tárip saqshylary avtokólik júrgizýshilerin joldarda óte muqııat bolýǵa jáne jol jıeginde turǵan kez kelgen kólik quraly qaýiptiń yqtımal kózi bolyp tabylatynyn umytpaýǵa shaqyrady.

Aıta ketsek, budan buryn «Almaty-Ekaterınbor» trassasynda jol apatynan eki adam kóz jumǵanyn jazǵan edik.