Aqmola oblysynda júk kóligi men «Gazel» soqtyǵysty
KÓKShETAÝ. KAZINFORM - Aqmola oblysynda júk kóligi men «Gazel» soqtyǵysyp, eki adam zardap shekti.
Aqmola oblysy PD baspasóz qyzmetiniń málimetinshe, jol-kólik oqıǵasy búgin saǵat saǵat 19:00 shamasynda «Astana-Petropavl» trassasynda boldy.
«Jol apatynan júk kóligi joldyń ústine aýdarylyp qaldy. Oqıǵa ornynda patrýldik polıtsııa batalonynyń qyzmetkerleri jumys istep jatyr. Eki kóliktiń júrgizýshisi zardap shekti. Sonymen birge, jol apatynyń mán-jaılary anyqtalyp jatyr», - dedi vedomstvodan.
Aıta ketsek, budan buryn Aqmola oblysynda jedel járdem kóligi jol apatyna ushyraǵanyn jazǵan edik.
Ol joly da apatqa ushyraǵan kóliktiń biri «Gazel» bolǵan. «Honda CR-V» kóligi men jedel járdem brıgadasynyń «Gazel» kóligi soqtyǵysqan. Saldarynan «Honda CR-V» kóliginiń 47 jastaǵy júrgizýshisi men jedel járdem feldsheri zardap shekti.
