Aqmola oblysynda jolda qalǵan 31 tájikstandyq azamat evakýatsııalandy

Aqmola oblysynda «Astana-Petropavl» tarassynda jolda qalǵan avtobýsta bolǵan 31 tájikstandyq azamat evakýatsııalandy, dep habarlaıdy Kazinform.

«Jeltoqsannyń 13-i kúni túngi saǵat 01:30-da «Astana-Petropavl» tarassasynda jolda qalǵan «Volvo» avtobýsynyń 31 jolaýshysy evakýatsııalandy. Olardyń barlyǵy Tájikstan Respýblıkasynyń azamattary (onyń ishinde 2 bala, 5 áıel jáne 24 er adam) bolyp shyqty. Sheteldik azamattar Kókshetaý qalasyndaǵy áleýmettik beıimdeý ortalyǵynyń jylytý ornyna jetkizilip, ystyq tamaq jáne jatatyn orynmen qamtamasyz etildi», - dedi Aqmola oblysy PD baspasóz qyzmetinen.

Sonymen birge vedomstvodan atap ótkendeı, «Ekaterınbor-Almaty» avtojolynda elektr symdarynyń qysqa tuıyqtalýy saldarynan 18 tonna jumyrtqa tıelgen «MAN» avtokóligi janyp ketti. Polıtsııa qyzmetkerleri men órt sóndirýshilerdiń úılesimdi jáne jedel jumysynyń arqasynda eshkim zardap shekken joq. 

Aıta ketsek, budan buryn Aqmola oblysynda jolda qalǵan 28 sheteldik azamat evakýatsııalanǵanyn jazǵan edik.