Aqmola oblysynda jolaýshylar kóligi bóliminiń eks-basshysy sottaldy

KÓKShETAÝ. KAZINFORM - Tselınograd aýdanynyń prokýratýrasy avtojol salasyndaǵy tekserý nátıjesinde Qoıandy aýylynyń kóshe jelilerin kúrdeli jóndeý jáne salý kezinde jerglikti atqarýshy organnyń burynǵy basshysy men kásipkerdiń 1,2 mlrd teńge bıýdjet qarajatyn urlaǵanyn anyqtady.

Aýdan prokýratýrasy tirkegen 2 qylmystyq isti sotqa deıingi tergeýmen Aqmola oblysy prokýratýrasynyń arnaıy prokýrorlary aınalysqan.

«Іs qozǵalǵan kezde Birikken Arab Ámirlikterinde bolǵan Tselınograd aýdanynyń jergilikti atqarýshy organynyń burynǵy basshysy qamaýǵa alynǵan.

1,2 mlrd teńgeden astam keltirilgen zalal tolyq óteldi, tergeý qorytyndysy boıynsha qylmystyq is sotqa jiberildi», — dep jazdy baqylaýshy vedomstvodan.

12 aqpanda burynǵy bólim basshysy Tselınograd aýdandyq sotynyń úkimimen QK 361-baby 4-bóliginiń 3-tarmaǵy boıynsha ómir boıy memlekettik qyzmetti atqarý quqyǵynan aıyra otyryp, bas bostandyǵynan aıryldy.