Aqmola oblysynda jol apatynan «Gazel» jolaýshysy qaza tapty
ASTANA. KAZINFORM — Aqmola oblysynda jol-kólik oqıǵasy saldarynan «Gazel» kóliginiń jolaýshysy qaza tapty, dep habarlaıdy Kazinform agenttiginiń tilshisi.
Aqmola oblysy Polıtsııa departamentiniń málimetinshe, 3 qyrkúıekte Astana — Qaraǵandy avtojolynyń 51-shaqyrymynda, Shóptikól aýylynyń mańynda «Gazel» jáne «Mercedes-Benz Sprinter» kólikteri soqtyǵysqan.
— Jol apatynan «Gazel» kóliginiń júrgizýshisi men bir jolaýshy ártúrli dene jaraqattarymen medıtsınalyq mekemege jetkizildi. Keıin jolaýshy alǵan jaraqattarynan aýrýhanada kóz jumdy, — delingen vedomstvo habarlamasynda.
Osy fakti boıynsha polıtsııa sotqa deıingi tergeýdi bastady. Tergeý qorytyndysy boıynsha protsessýaldyq sheshim qabyldanady.
Polıtsııa jol-kólik oqıǵalarynyń aldyn alý úshin júrgizýshilerdi, ásirese kólik qozǵalysy qarqyndy ýchaskelerde, belgilengen jyldamdyq rejımin saqtaýǵa jáne kóliktiń tehnıkalyq jaǵdaıyn baqylaýǵa shaqyrdy.
Buǵan deıin Aqtóbede jol apatynan alty adam opat bolǵanyn jazǵan edik.
