Aqmola oblysynda jol apatynan eki adam mert bolyp, tórteýi jaraqat aldy

ASTANA. KAZINFORM – Kókshetaý-Atbasar tasjolynda bolǵan apattan eki adam oqıǵa ornynda kóz jumdy. Taǵy tórt adam jaraqat alyp, aýrýhanaǵa tústi.

Aqmola oblystyq polıtsııa departamenti baspasóz qyzmetiniń habarlaýynsha, jol apaty bıylǵy jyldyń 21 tamyzynda oblystyq mańyzdaǵy «Kókshetaý-Atbasar» avtojolynyń 115 shaqyrymynda saǵat 13:35-te Maksımovka aýylynyń mańynda bolǵan. Onda «Moskvıch-412» men «Hyundai Mafias» kólikteri soqtyǵysqan.

-Jol apaty saldarynan «Moskvıch-412» kóliginiń júrgizýshisi men jolaýshylarynyń biri oqıǵa bolǵan jerde kóz jumǵan. «Moskvıch-412» kóliginiń taǵy bir jolaýshysy, «Hyundai Mafias» kóliginiń júrgizýshi men eki jolaýshysy medıtsınalyq mekemege jetkizildi,-dep habarlady vedomstvo ókilderi.

Óńir polıtsııasy sotqa deıingi tergeý júrgizip jatyr, onyń nátıjesi boıynsha protsessýaldyq sheshim qabyldanady.

Tártip saqshylary oblys turǵyndary men qonaqtaryna osyndaı jaǵdaılardyń aldyn alý úshin jyldamdyq rejımin saqtap, buǵan ásirese kólik qozǵalysy tyǵyz jerlerde erekshe nazar aýdarý kerektigin jáne kóliktiń tehnıkalyq jaǵdaıyn da baqylaýda ustaý qajettigin eskertti.

Osyǵan deıin Astanada samokatshyny kólik qaǵyp ketkeni týraly jazdyq.