Aqmola oblysynda jol apatynan bir adam qaza tapty

KÓKShETAÝ. KAZINFORM – Aqmola oblysynda jol-kólik oqıǵasy saldarynan bir adam qaza taýyp, beseýi aýrýhanaǵa jetkizildi. Olardyń ishinde úsh kámeletke tolmaǵan bala bar.

Oblystyq polıtsııa departamentiniń málimetinshe, jol apaty 16 tamyz kúni «Astana – Petropavl» avtojolynyń 284-shaqyrymynda bolǵan. Mercedes-Benz pen Toyota Camry avtokólikteri soqtyǵysqan.

– Jol apaty saldarynan Mercedes-Benz avtokóliginiń bir jolaýshysy oqıǵa ornynda kóz jumdy. Mercedes-Benz kóligindegi taǵy tórt jolaýshy men Toyota Camry júrgizýshisi medıtsınalyq mekemege jetkizildi. Olardyń úsheýi – kámeletke tolmaǵan balalar, – delingen vedomstvo habarlamasynda.

Qazirgi ýaqytta atalǵan fakti boıynsha sotqa deıingi tergeý amaldary júrgizilip jatyr. Onyń nátıjeleri boıynsha protsessýaldyq sheshim qabyldanady.

Buǵan deıin Aqmola oblysynda bolǵan ózge jol apaty kezinde eki adamnyń kóz jumyp, tórteýiniń aýrýhanaǵa túskeni habarlanǵan bolatyn.