Akmola oblysynda jol apatynan bes adam qaza tapty
ASTANA. KAZINFORM – Akmola oblysynda bolǵan jol apatynan bes adam qaza tapty, taǵy bes adam jaraqat aldy. Oqıǵa boıynsha tergeý júrip jatyr.
Oblystyq Polıtsııa departamentiniń málimetinshe, oqıǵa 21 maýsymda «Astana – Qorǵaljyn» avtojolynda boldy. Kia, Toyota Fortuner jáne Toyota Land Cruiser – úsh kólik bir-birimen soqtyǵysty.
– Apat saldarynan Toyota markaly eki kólik órtenip ketti. Aldyn ala derekter boıynsha, apattan bes adam qaza tapqan. Taǵy bes adam jaraqat alyp, medıtsınalyq mekemelerge jetkizildi, – dep atap ótti vedomstvo.
Aımaqtyń Densaýlyq saqtaý basqarmasynyń baspasóz qyzmeti jaraqat alǵandardyń Astanaǵa jiberilgenin habarlady.
Qazir polıtsııa apattyń barlyq mán-jaıyn anyqtap jatyr.
Eske sala keteıik, buǵan deıin Pavlodar oblysynda bolǵan jol apatynan eki adam qaza tapqanyn habarlaǵan edik.
