Aqmola oblysynda jol apatynan 5 adam kóz jumdy
KÓKShETAÝ. KAZINFORM — Aqmola oblysynda «Ekaterınbor-Almaty» tasjolynda jol apaty bolyp, 5 adam qaza tapty.
Aqmola oblysy PD baspasóz qyzmetiniń málimetinshe, jol apaty 28 sáýirde saǵat 23.51 shamasynda Astrahan aýdany Jaltyr aýylynyń mańynda, ıaǵnı «Ekaterınbor-Almaty» avtojolynyń 1099-shaqyrymynda bolǵan.
Anyqtalǵandaı, Jarqaıyń aýdanynyń 29 jastaǵy turǵyny basqarǵan «Mercedes-Benz E200» avtokóligimen Jaqsy aýylynan Astana baǵytynda shyqqan «VAZ-2107» mashınasyna soqtyǵysqan.
«Apat saldarynan oqıǵa ornynda bes adam qaza taýyp, eki adam túrli dárejedegi dene jaraqatyn aldy. Osy derek boıynsha QR QK 345-baby 4-bóligi boıynsha boıynsha is qozǵalyp, sotqa deıingi tergeý amaldary qolǵa alyndy», — dedi vedomstvodan.
Eske salaıyq, budan buryn «Ekaterınbor-Almaty» jolynda jaıylǵan jylqylar jol apatyna sebepshi bolǵan edi.
