Aqmola oblysynda joǵalyp ketken 76 jastaǵy zeınetkerdiń máıiti tabyldy
ASTANA. KAZINFORM — Aqmola oblysynda eki kúnnen beri izdestirilip jatqan 76 jastaǵy zeınetkerdiń denesi tabyldy.
Zeınetker Vladımır Gromov 18 sáýirde ózi turǵan qarttar men múgedekterge arnalǵan «Úmit Shańyraq» pansıonatynan shyǵyp ketken. Ol sońǵy ret jeńil kıimmen Qyzyl ıAr aýyly baǵytynda ketip bara jatqan jerinen beınebaqylaý kameralaryna túsip qalǵan.
Polıtsııa qyzmetkerleri, eriktiler jáne óńir turǵyndary joǵalǵan er adamdy eki kún boıy izdedi. Onyń máıiti 20 sáýir kúni keshke qaraı tabyldy.
— Oqıǵa boıynsha qylmystyq is qozǵaldy. Máıitten zorlyq-zombylyq belgileri anyqtalǵan joq. Qajetti saraptamalar taǵaıyndaldy, olardyń nátıjesi boıynsha túpkilikti protsessýaldyq sheshim qabyldanady. Oqıǵanyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr. QR Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy, — dep habarlady polıtsııa departamentiniń baspasóz qyzmeti.
Aıta keteıik, Aqtóbede ózenge qulap ketken balanyń denesi 20 kúnnen soń tabyldy.
