Aqmola oblysynda joǵalǵan stýdent qyz Astanadan tabyldy
Aqmola oblysynda iz-túzsiz joǵalǵan 18 jastaǵy stýdent qyz bir táýlikten keıin astanadan tabyldy, dep habarlaıdy Kazinform.
Oblystyq PD baspasóz qyzmetiniń málimetinshe, Kókshetaý qalalyq polıtsııa basqarmasynyń qyzmetkerleri boıjetkendi oblys ortalyǵy aýmaǵynan bólek, Astana qalasynan da izdedi.
— Týra bir táýlikten keıin tártip saqshylary joǵalǵan stýdentti Astana qalasynan taýyp, týysqandaryna tapsyrdy, — dedi vedomstvodan.
Sonymen birge, osydan on kún buryn, ıaǵnı qazannyń 24-de úıinen ketip qalǵan Qosshy qalasyndaǵy mektepterdiń biriniń 14 jasar oqýshysy da astanadan tabyldy.
Qyz bala buǵan deıin de birneshe ret úıinen ketip qalyp júrgen.
Bul joly ata-anasy 9 kún ótken soń baryp polıtsııadan kómek suraǵan.
Osy rette tártip saqshylary ata-analardan balalaryna baqylaýdy kúsheıtýdi jáne joǵalǵan kezde dereý polıtsııaǵa habarlaýdy suraıdy.
Aıta ketsek, budan buryn Aqmola oblysynda 18 jastaǵy stýdent qyzdyń joǵalǵanyn jazǵan edik.