Aqmola oblysynda joǵalǵan qarııa eki táýlikten soń aman tabyldy

KÓKShETAÝ. KAZINFORM - Aqmola oblysynda eki táýlik buryn joǵalyp ketken este saqtaý qabileti nashar qarııa aman tabyldy.

Aqmola oblysy PD baspasóz qyzmetiniń málimetinshe, Fınchenko Lıýbov Ivanovnanyń joǵalǵandyǵy týraly Tselınograd aýdandyq polıtsııa bólimine shildeniń 23-de keshki 20:25 shamasynda qyzy habarlap aıtqan.

Joǵalǵan adamdy izdeýge polıtsııa bóliminiń jeke quramy baǵdarlandy, izdeý toby orman alqaptary men bos jerlerdi, qaraýsyz qalǵan ǵımarattar men saıajaılardyń aýmaǵyn tekserdi. Sonymen birge, dron arqyly áýeden baqylandy. 

«Shildeniń 25-de saǵat 16:00 shamasynda krımınaldyq polıtsııa bóliminiń qyzmetkerleri, zeınetkerdi Astana mańyndaǵy óndiristik bazanyń aýmaǵynan tapty. Qarııa onda qalaı jetkenin ózi bilmeıdi. Tonǵanda qumda jylynǵan. Qazirgi kezde onyń jaǵdaıy qanaǵattanarlyq. Tártip saqshylary qarııany Esil aýdandyq aýrýhanasyna jetkizdi, onda oǵan medıtsınalyq kómek kórsetiledi», - dedi vedomstvodan.

Aıta ketsek, budan buryn Aqmola oblysynda dalada adasyp qalǵan aýyl turǵyndary bir kúnnen keıin tabylǵan bolatyn.