Aqmola oblysynda joǵalǵan bir úıir jylqy tabyldy

Aqmola oblysynda dalada tebinen joǵalǵan bir úıir jylqy tabylyp, ıelerine qaıtaryldy, dep habarlaıdy Kazinform.  

Oblystyq PD baspasóz qyzmetiniń málimetinshe, 12 jeltoqsanda Sandyqtaý aýdany Jylandy aýylynyń birneshe turǵyny jylqylary joǵalǵanyn aıtyp polıtsııadan kómek suraǵan.

«Bastapqy da turǵyndar ózderi izdep kórdi, alaıda odan esh nátıje shyqpaǵan soń polıtsııadan kómek surady. Mal ıeleriniń sózinshe, 103 jylqy dalada tebinde júrgen, jeltoqsannyń 5-i kúnderi joǵalyp ketken. Shyǵyn kólemi shamamen 30 mln teńgege baǵalandy. Joǵalǵan jylqyny izdeý úshin krımınaldyq jáne jergilikti polıtsııa qyzmetkerleri, birneshe avtokólik pen dron tartyldy. Nátıjesine joǵalǵan jylqylar aýyldan 30 shaqyrym qashyqtyqta jaıylyp júrgen jerinen tabyldy», - dedi vedomstvodan.

Aıta ketsek, budan buryn Aqmola oblysynda júk poıyzy jaıylyp júrgen 7 jylqyny qaǵyp ketken edi.