Aqmola oblysynda jylýǵa artyq tólem jasaǵan 8 myńnan astam turǵynnyń quqyǵy qorǵaldy

ASTANA. KAZINFORM – Stepnogorsk qalasynyń prokýratýrasy júrgizgen tekserý nátıjesinde 8 myńnan astam azamattyń quqyqtary qorǵaldy. Olarǵa tutynylǵan jylý energııasy úshin tólem zańsyz eseptelgeni anyqtaldy.

Tekserý barysynda 41 kóppáterli turǵyn úıde jylý energııasy úshin tólem naqty esepke alý aspaptarynyń kórsetkishteri boıynsha emes, belgilengen normatıvter negizinde eseptelgeni belgili boldy. Sonyń saldarynan tutynýshylar úshin tólem mólsheri negizsiz ulǵaıǵan.

- Atalǵan derekter jylýmen jabdyqtaýshy uıym tarapynan «Jylý energetıkasy týraly» zań talaptarynyń buzylǵanyn, sondaı-aq jergilikti atqarýshy organnyń jylytý maýsymyna daıyndyqty qamtamasyz etý jónindegi memlekettik baqylaýdy tıisinshe júzege asyrmaǵanyn kórsetedi.

Prokýrorlyq qadaǵalaý aktisi boıynsha qaladaǵy 8 myńnan astam turǵynǵa jylý energııasy úshin tólem qaıta esepteldi. Qaıta esepteý somasy jalpy 8,1 mln teńgeni qurady, - delingen aqparatta.

Jol berilgen zań buzýshylyqtar úshin qala ákimi tártiptik jaýapkershilikke tartyldy.

Aıta keteıik, Býrabaı ulttyq parkine kirý tarıfi ózgerdi.